Misplaced Pages

„Викиекспедиции“

[REDACTED]

Викиекспедиции — проект на Википедија на македонски јазик, спроведуван од здружението на граѓани Споделено знаење во периодот 2015-2023 и од здружението на граѓани Викимедија МКД од 2024 година.

Проектот има за цел да помогне во подобрување на постоечките и создавање на нови статии за градовите, селата, географските области и особености во областите низ целата територија на Македонија на македонски јазик од страна на активните корисници и уредувачи, како и самите членови на здружението.

Критериуми за избор на област

Областите што се опфатени со проектот се избрани врз основа на два критериума:

• број на статии на Википедија на македонски јазик на теми поврзани со областа;
• број на различни фотографии на Ризницата на теми поврзани со областа.

Список на викиекспедиции

2015

Во текот на 2015 година биле организирани вкупно шест експедиции со кои биле опфатени следните области:

1. Неготино со околината;
2. Кратово со околината;
3. Мариово;
4. Мијачија;
5. Општина Ранковце; и
6. Општина Градско.

2016

Во текот на 2016 година биле организирани шест експедиции од вкупно планирани шест експедиции со кои биле опфатени следниве области:

1. Лакавичко;
2. Железник;
3. Дебрца;
4. Преспа;
5. Злетовско-пробиштипско; и
6. Малешевија.

2017

Во текот на 2017 година биле организирани пет викиекспедиции со кои биле опфатени следните области:

1. Козјачија и Средорек;
2. Бојмија;
3. Порече;
4. Рекански регион; и
5. Општина Кавадарци.

Иако на почетокот биле планирани шест експедиции, на крајот биле спроведени пет експедиции, додека експедицијата за областа Пијанец била преместена за спроведување во 2018 година.

2018

Во текот на 2018 година биле организирани пет викиекспедиции со кои биле опфатени следните области:

1. Пијанец;
2. Азот;
3. Дримкол;
4. Копачка; и
5. Раец.

2019

Во текот на 2019 година биле организирани четири викиекспедиции со кои биле опфатени следните области:

1. Славиште;
2. Општина Могила;
3. Охридско; и
4. Општина Долнени.

2020

Во текот на 2020 година биле организирани четири викиекспедиции со кои биле опфатени следните области:

1. Кичава и Рабетинкол;
2. Осоговија;
3. Плачковица и долина на Брегалница; и
4. Овче Поле.

2021

Во текот на 2021 година биле организирани четири викиекспедиции со кои биле опфатени следните области:

1. Повардарие;
2. Прилепско Мариово;
3. Бушева Планина и Прилепско Поле; и
4. Јуруклак и Радовишко Поле.

2022

Во текот на 2022 година биле организирани четири викиекспедиции со кои биле опфатени следните области:

1. Осоговски Планини и Манговица;
2. Дебарско (Општина Дебар и Општина Центар Жупа);
3. Горни Полог; и
4. Кумановско.

2023

Во текот на 2023 година биле организирани четири викиекспедиции со кои биле опфатени следните области:

1. Јужна Македонија (Дојранско и Валандовско);
2. Битолско Поле и Баба;
3. Кочанско Поле; и
4. Тиквеш.

Поврзано

• Агроекспедиции
• Археоекспедиции
• Астроекспедиции
• Велоекспедиции
• Геоекспедиции

Надворешни врски

• Википедија:Викиекспедиции
• Википедија:Проекти на Споделено знаење
• Википедија:Проекти на Викимедија МКД